Qırımtatar yırcısı Jamala «Obeşaniye» («Vade») adlı yırğa klipni taqdim etti.
Bu aqta noyabr 22-de yırcınıñ matbuat hızmeti Facebook saifesinde bildirdi.
«Video, Yelena Demyanenkonıñ «Bitam Kaplan» bediiy filminden alınğan kadrlarğa esaslana. Klip rejissörı Denis Zaharov oldı, bundan evel o, Jamalanen «Kaktus» ve «Ne içün çiçeklerniñ közleri bar» videolarında çalışqan edi», – dep qayd ettiler matbuat hızmetinde.
Oktâbr soñunda «Vade» yırı «Bitam Fanni Kaplan» filminiñ saundtreki oldı. Film, ХХ asır başında Rusiye imperiyasında inqilâp vaqiaları yüz bergen vaqıtta sotsial-inqilâpçı qadın Fanni Kaplannıñ sevgi ikâyesi aqqında añlata. Fanni Kaplan, Vladimir Lenin ayatına suiqastnı ömürge keçirgen biri olaraq tarihqa kirdi.
