Qırımda soñki kün içinde eki qaza yüz berdi, neticede 9 adam zararlandı, bir qız elâk oldı.
Bu aqta noyabr 22-de Qırım yol inspektsiyası matbuat hızmeti bildirdi.
«Böyleliknen, noyabr 21-de Eski Qırım rayonında «Porsсhe Cayenne» avtomobili ve «Renault Master» mikroavtobusı çatıştı. Neticede 5 adam zararlandı, olar acele tibbiy yardım hadimlerine teslim etildi, bundan soñ Eski Qırım hastahanesine ketirildi. Uquq qoruyıcılar qaza sebeplerini ögrene», – dep qayd ettiler müessisede.
Matbuat hızmetinde qayd ettiler ki, noyabr 21-de saat 22.20-de Aqmescit-Yalta yolunda, Lozovoye-1 köyü rayonında qaza yüz bergeni aqqında haber keldi.
«Bu yerde «Lada Granta» ve «Toyota Land Cruiser» avtomobilleri çatıştı. Qurtarıcılar mahsus aletler vastasınen «Lada Granta» maşnasından yolcunı çıqardı. Amma 1998 senesi doğğan qız elâk oldı. Qazanıñ diger iştirakçileri acele tibbiy yardım hadimlerine teslim etildi, bundan soñ 6 sanlı Aqmescit klinik hastahanesine ketirildi. Uquq qoruyıcılar qaza sebeplerini ögrene», – dep qayd ettiler Qırım Fevqulade vaziyetler nazirliginiñ matbuat hızmetinde.