Qırım ve Rusiyeniñ digger regionlarından adını bildirmegenler Aqmescitte Cuma camisi qurulmasına 3 milliard ruble berdi.
Bu aqta noyabr 24-te Qırım müftisiniñ muavini Ayder İsmailov mühbirlerge bildirdi.
«Cami qurulmasına paranı Rusiyeden hayriye bergen insanlar bere. Cami qurulması Rusiye Federatsiyası prezidentiniñ nezaretinde bulunğanı sebebinden, para tolusınen berileceginden şübemiz yoq. Şimdiki vaqıtta 3 milliarddan ziyade para cıyıldı. Qurucılıq cedveline köre, para teslim etile», – qayd etti İsmailov, dep bildire Krıminform agentligi.
Şimdiki vaqıtqa qadar 26 million ruble qullanıldı. Leyhağa binayen, cami eki qısımdan ibaret olacaq: esas bina ve içteki azbar.
Camide birden tahminen 4 biñ insan buluna bilecek, esas ibadethanede 1,5 biñ aqay ve 900 apay kişi ibadet qıla bilecek. İçteki azbarda 1,1 biñ insan ibadet qıla bilecek.
Avdetniñ bildirgenine köre, noyabr 24-te Cuma cami qurucılıq meydançığını Türkiye eyyeti ziyaret etti.