Belli qırımtatar uquq qoruyıcısı ve dissidenti Mustafa Cemilevniñ oğlu Hayser rusiyeli apishaneden azat etildi.
Bu aqta onıñ adliyecisi Nikolay Polozov Twitterde bildirdi.
«Hayser azatlıqta!» – dep yazdı o ve apisten çıqqan Cemilevnen Astrahan koloniyası yanında yapılğan fotoresimni paylaştı.
Bundan evel Astrahan mahkemesi Hayser Cemilevge nisbeten belgilengen üç yıl memuriy nezaret aqqında qararnı lâğu etti ve onıñ Ukraina vatandaşı olğanını tanıdı.
Hatırlatamız ki, Ukraina mahkemesi Hayser Cemilevni 3 yıl ve 8 ay azatlıqtan marum etmek qararını alğan edi.
2015 senesi Rusiyede Hayser Cemilevge nisbeten ceza belgilendi – beş yıl müddetine apiske qapatılması, amma Yuqarı mahkeme bundan soñ müddetni bir yarım yılğa qısqarttı.
2014 senesi yazda Hayser Cemilev Aqmescit SİZO-sında Rusiye Federatsiyası vatandaşlığını qabul etmekni red etkeni aqqında arizanı yazğan edi, Krasnodar ülkesi mahkemesiniñ qararına ve RF Yuqarı mahkemesi qararına binaen onıñ Ukraina vatandaşı olğanı tanıldı.
