Qırımğa suvuqlar kele

26.11.201616:20

Qırımda noyabr 28 ve 29 künleri furtuna havfı ilân etildi.

Bu aqta noyabr 26-da Qırım Fevqulade vaziyetler nazirligi bildire.

«Gidrometeorologiya ve etraftaki müit nezareti boyunca Qırım idaresiniñ malümatına binaen, noyabr 28-29 künleri Qırımda ava suvuq olacaq: şiddetli yağmurlar, qar, buzlavuq beklenile», – dep añlattılar matbuat hızmetinde.

Müessisede qayd ettiler ki, saniyede 20-25 metr suratınen şiddetli yel esecek.

Sinoptiklerniñ tahminlerine köre, Qırımda bu sene qış suvuq olacaq, amma baar erte kelecektir.

Фото аватара

Автор: Редакция Avdet

Редакция AVDET