Bugün, 2016 senesi noyabr 28-de Aqmescitte qırımtatar yazıcısı, Qırımtatar yazıcıları birliginiñ reisi Riza Fazıl defin etildi.
Boğurça (Kamenka) qasabasında keçirilgen cenaze merasimine, belli yazıcınen sağlıqlaşmaq içün, milliy areket veteranları, cemaat erbapları, onıñ zenaatdaşları, dostları ve yaqınları keldi.
Avdetniñ bildirgenine köre, Riza Fazıl noyabr 26-da, 87 yaşında olıp, vefat etti. Cenazesi diger künge keçirildi, çünki onıñ aqrabası bazı bürokratiya meselelerini çezmek kerek oldı.
