Riza Fazıl er vaqıt aktual edi, – Celâl

28.11.201623:2062
Риза Фазыл

Yahşı bir insan ile vedalaştıq. Yaqında tanış olğanımızğa baqmadan, onıñ şahsiyetiniñ terenligini añlamaq içün bu an yeterli oldı.

Riza ağa Fazıl tek yazıcı ve şair degil edi. O tek edebiyatta degil de, amma halqınıñ içtimaiy ve siyasiy ayatında da faal edi.

O, muzakere ve subetler içün daima açıq edi. Eñ çoq onıñ, yaşına baqmadan, aktualliginden şaşa edim. O, keçmişte qalmağan edi, yüz bergen vaqialarğa birden cevap bermekni kerekli sayğan ve meselelerni çezmek içün yollarnı teklif etmege tırışqan edi.

Eminim ki, o daa çoq şey yapmağa yetiştirmedi.

Yaqında ressamlarımız ile laf etip, olarğa ait bir şekilde ve usulda aktual olmağa, aqiqatnı köstermege, böyle etip adamlarğa şübelerden vazgeçmege ve yollarnı tapmağa yardım etmege muracaat etken edim.

Riza ağa bunı yapmağa bile edi. Ondan ögrene bilecegimiz çoq şey bar, o, yanımızda endi olmasa da.

Nariman CELÂL

Редакция AVDET

Author: Редакция AVDET

Avdet gazetası