Noyabr 29-da, salı künü Qırımda Ahtem Çiygoznıñ işi ve «fevral 26» işi boyunca mahkeme toplaşuvlarınıñ keçirilmesi planlaştırılğan.
Bu aqta Qırımtatar Qurultayınıñ Merkeziy saylav komissiyası reisi Zair Smedlâyev bildirdi.
«Salı künü, noyabr 29-da saat 9:30-da Pavlenko soqağı, 2 adresi boyunca Ahtem Çiygoznıñ işi boyunca mahkeme toplaşuvı devam etecek. Saat 13:00-te Turetskaya soqağı, 22 adresi boyunca «fevral 26» işi boyunca, apiste bulunğan Ali Asanov ve Mustafa Degermenci ve qabaatlanğan Eskender Kantemirov, Eskender Emirvaliyev, Arsen Yunusovğa nisbeten mahkeme toplaşuvı devam etecek. Keçken mahkeme toplaşuvı Arsen Yunusovnıñ hastalanğanı sebebinden 2016 senesi noyabr 29-ğa keçirildi», – dep bildirdi Smedlâyev.
