Dekabr 5-ke keçer gecesi, 70 yaşında olıp, cemaat erbabı, Rusiye İslâm komitetiniñ yolbaşçısı, din erbabı ve felsefeci Geydar Cemal vefat etti.
Bu aqta cemaat erbabı ve mühbir Maksim Şevçenko Facebook saifesinde bildirdi.
Bunen beraber, Şevçenko haber etti ki, Cemal uzun vaqıt devamında ağır hasta edi.
Geydar Cemal 1947 senesi noyabr 6-da Moskvada doğdı. O, içtimaiy-siyasiy faaliyetini sovet vaqtında, felsefeci ve siyasetşınas Aleksandr Dugin ile işbirlik tutıp, başlağan edi. Cemal bir sıra siyasiy, içtimaiy, diniy teşkilâtlarnıñ azası olğan, ükümetke nisbeten tenqidiy noqta-i nazarları bar edi.
«İslâm komiteti» 1990 seneleri peyda oldı. Cemal, bir qaç sefer farqlı manalı beyanatlarnen, hususan özüni öldürgen terroristlerniñ areketlerini aqlap, sözde bulunğan edi.
Geydar Cemal islâmizm boyunca bir sıra kitapnıñ, bu cümleden, «İslâmnıñ azat etilmesi» ve «Peyğamberlniñ inqilâbı» müellifi ola.
