Aqmescitte (Simferopol) trolleybuslar ve avtobuslar köpçeklerinde yaz rezinanen yürmege devam ete.
Bu aqta şeer memuriyetiniñ er afta keçirilgen operativ toplaşuvında Rusiye İçki işler nazirligi Aqmescit boyunca idaresiniñ Yol areketi devlet inspektsiyası (GİBDD) bölüginiñ yol nezareti üyken devlet inspektorı Yuriy Tokmakov bildirdi.
«Krımtrolleybus» ve «Krımavtobus» kibi şirketlerge diqqat etmege isteyim. Olarnıñ naqliyesi köpçeklerinde yaz rezinanen yürmege devam ete, ve Balaklavskaya, Keçkemetskaya soqaqlarında ya da Marşal Jukov rayonında olğan töpelerge çıqıp olamay», – dep qayd etti inspektor.
Avdetniñ evel bildirgenine köre, tünevin Aqmescit-Keriç yolunıñ çetinde Eski Qırım rayonında büyük yük maşnaları sırağa turdı. Bu yerde tahminen yigirmi maşna toplanıp turdı.
Aqyarda buzlavuq naqliye areketini sıñırladı. Şeer yollarında olğan kollaps yerli sakinlerni açuvlattı.
