Rusiyede eñ büyük suniy taylaq Yaltada yerleşken Mriya Resort & Spa kurort kompleksinde peyda olacaq.
Buz arenası açıq havuz üstünde qoyulacaq.
Bu aqta Qırım turportalı, kompleksniñ ticariy müdiri Mikael Badalânnıñ sözlerine esaslanıp, bildire.
Taylaq meydanı 1350 kvadrat metrni teşkil etecek.
Suniy buz bütün sene devamında taylaqnı qullanmağa imkân bere, amma havuzda o, qışnıñ soñuna qadar olacaqtır.
Taylaq dekabr 24-te açılacaqtır. Açılış merasiminde olimpik çempionlar iştirak etmesi aqqında muzakereler alıp barıla, dep ayttı Badalân, ve qayd etti ki, bu yerde yarışma ve turnirlerniñ keçirilmesi de mümkün, dep bildire «İskra».
