Esli-başlı qırımtatar qadını az qazanıp, gazeta kioskında yaşamağa mecbur.
«Açıq yürekler» taqımı qırımtatar göñüllileriniñ malümatına binaen, evsiz qadın 60 yaşından büyük, onıñ ne qorantası, ne de soy-sopu bar. O, ne tapsa, onı sata ve gazeta kioskında geceley.
«İç kimseden bir şey soramay. Biz oña, iç olmasa, satuvda yardım etmege tırışmağa qarar aldıq. Onıñ ev mahsulatı bar. Bir yerlerde ucuzca satın ala, soñra soqaqlarda yürip, adamlarğa teklif ete», – dep bildirdi göñülliler.
«Açıq yürekler» taqımı qadınğa, iç olmasa, mahsulat satuvında, bunen beraber, urba (56 ölçü) ve ayaqqapnen (39 ölçü) yardım etmege çağıra. Qadınğa yardım etmege istegenler göñülli Leniyaranen bağlana bile (+79788709967).
