Dekabr 10-da Qırım yolbaşçısı Sergey Aksönov yarımadanıñ aqlanğan halqlarından olğan 90 qorantağa yañı dairelerniñ anahtarlarını taqdim etti.
Çoq qatlı ev qırımtatarlar toplu yaşağan Bor Çoqraq (Fontanı) qasabasında yerleşe.
Foto: Avdet
Dairelerde sıcaq ve suv bar. Bu seneniñ soñuna qadar aqlanğan vatandaşlardan olğan 400 qorantağa daire berilecegi aqqında söz berile.
Merasimde memurlar qayd etti ki, yañı oquv yılından başlap, bu qasabada «dört prezidentniñ mektebi» işke tüşürilecek.
Bundan evel bildirilgenine köre, Qırımdan sürgün etilgen halqlarnıñ aqlanması aqqında Fermannıñ ömürge keçirilmesi içün federal bücetten 10 milliard ruble ayırıldı.
