Aqmescitte bala bağçaları, mektepler, hastahaneler ve evler sıcaqsız qaldı

13.12.201613:35

Bugün, dekabr 13-te 73 çoq daireli ev, dört bala bağçası, üç mektep ve eki hastahane sıcaqsız qaldı.

Sıcaqnen teminlev, qaza neticesinde toqtatıldı: Turgenev soqağı, 11 adresi boyunca yerleşken qazanda ağ nasosı bozuldı.

Aqmescit şeeri Yekâne nevbetçi-dispetçer hızmetinde bildirdiler ki, ağ nasosınıñ tamir etilmesi salı künü saat 13:00-ke qadar devam etecek.

Avdetniñ evel bildirgenine köre, dekabr 13-te, salı künü Qırımda furtuna havfı ilân etildi – qar yağması, buzlavuq ve qasırğalı yel beklenile.

Фото аватара

Автор: Редакция Avdet

Редакция AVDET