Pulittserov mukâfatınıñ laureatı, Ahtem Çiygoznıñ imaye tarafında şaat ola bile

15.12.201619:10

Ahtem Çiygoznıñ işi boyunca davada imayeniñ şaatı Pulittserov mukâfatınıñ laureatı, fotograf Sergey Ponomarev ola bile.

Ponomarevni mahkemege davet etmek niyeti aqqında Çiygoznıñ adliyecisi Nikolay Polozov bildirdi.

Polozovnıñ sözlerine köre, o, dava boyunca maddiy deliller olaraq mahkemege taqdim etilgen bazı fotoresimlerde fotografnı tanıdı.

«Men onen laf eterim. Belki, onı imaye şaatı olaraq sorğuğa çekmek imkân olur. O, vaqialar yüz bergen yerde bulunğan edi, añlata bile. O razı olsa, pek yahşı olur», – dep ayttı Polozov, bildire «Qırım.Aqiqat».

Ahtem Çiygoz Aqmescit SİZO-sında 2015 senesi yanvar ayından başlap buluna, o, Rusiye Federatsiyası Cinaiy kodeksiniñ 212 maddesi 1-ci qısmı («kütleviy nizamsızlıqnı teşkil etüv») boyunca qabaatlana, madde boyunca qabaatlanğan kişi 10 yılğa qadar apiske qapatıla bile.

Фото аватара

Автор: Редакция Avdet

Редакция AVDET