Aqyarda bir afta içinde gonkong grippi A(H3N2) hastalığı altı kere qayd etildi.
Bu aqta şeer gubernatorınıñ muavini Yuriy Krivov bildirdi.
Onıñ sözlerine köre, bütün hastalanğanlar – büyüklerdir.
«Vaziyet nezaret astında. Biz bu sene hususan bu ştammğa azırlana edik, ealige aşılav yapqan edik», – dep bildire Krivovnıñ sözlerini «RİA Krım».
Bunen beraber o qayd etti ki, dekabr 12-den 18-ge qadar Aqyarda keskin virus infektsiya (ORVİ) hastalığı aman-aman 4 biñ kere qayd etildi.
Krivov ilân etti ki, dekabr 20-den şeerniñ bütün mektepten aldın müessiseleri ve mektepleri karantin içün qapatılacaq.