Aqyarda qadın avtobustan yıqıldı

21.12.201613:30

Tünevin, dekabr 20-de tahminen saat 16-da «Moskva kinoteatrı» turağında 2 sanlı avtobustan (devlet nomeri a763en) qadın yıqıldı ve başınen asfaltqa uruldı.

Bu aqta vaqia şaatı Vkontakte içtimaiy ağında bildire.

Onıñ sözlerine köre, avtobus aydavcısı qadınnıñ yıqılğanını kördi, amma oña yardım etmek içün bir şey yapmayıp ketti.

«Avtobus aydavcısı bunı kördi, bir kere, bir daa biraz toqtadı, soñ kördi ki, qadın turmağa başlay, gazğa bastı ve ketti», — dep añlattı şaat.

O qayd etti ki, yıqılğan qadın pek ağır tura edi, ve ayttı ki, kerek olsa, şaat olaraq delillerni ketirecek.

«Avtobus aydavcısı ya da onıñ iş bericileri bu gruppağa kirgen olsalar, dua etiñiz ki, zararlanğan qadın hastahanege muracaat etmesin!» — dep yazdı Antonina Kuşnirenko.

Фото аватара

Автор: Редакция Avdet

Редакция AVDET