Dekabr 20-de Aqmescitte Qırımda eñ büyük «Canlı ses» bala istidat-şou keçirildi. Qırım fotografı İldar İbragimov bu merasimden fotoresimlerini taqdim ete.
«Crimean Tatars yıldızı» namzetliginde («Crimean Tatars» – yarışnıñ resmiy media-ortağı) populâr yırcı Reana Tarkovanıñ talebesi Sultaniye Mustafayeva ğalebe qazandı.
«Vokal» namzetliginde balalar arasında birinci yer, 25 000 ruble, planşet ve «Respect Hall Resort&Spa» otelinde raatlıqnı Darya Susla aldı. Onıñ pedagogı – Anna Us.
«Oyun» namzetliginde balalar arasında Zekirya Mustafayev ğalebe qazandı.
«Oyun» namzetliginde istidat-şounıñ büyük iştirakçileri arasında birinci yerge Şekufe Abkelâmova nail oldı.
«Vokal» namzetliginde büyük finalistler arasında Mavile Saranayeva ğalebe qazandı.