Yük maşnası qazası neticesinde bala zararlandı

26.12.201617:40

Tünevin Aqmescit-Bağçasaray yolunda yük maşnası iştiraginen yüz bergen qaza neticesinde 5 yaşındaki qız zararlandı.

Hatırlatamız ki, dekabr 25-te Bağçasaray rayonındaki Han Eli (Novopavlovka) köyünden Priyatnoye Svidaniye köyüne qadar büyük tıqanıqlıq peyda oldı. Bunıñ sebebi, ağaç taşığan yük maşnasınıñ qazağa oğrağanı oldı. Maşna yol burulışında birden aylanğanı içün tirkeme içindeki tahtalar yolğa töküldi. Tahtalar, yanında keçken maşnalarğa da tiydi.

Bundan soñ belli olğanına köre, tahtalar, qarşı taraftan kelgen Nissan avtomobiline töküldi. Maşnada işbu qız buluna edi.

Qaza aqibetlerini cıyıştırmaq içün 10 saat kerek oldı, bunıñ neticesinde büyük tıqanıqlıq peyda oldı.

doski

Фото аватара

Автор: Редакция Avdet

Редакция AVDET