«Millet» televizion şirketini uquq qoruyıcılar teşkere. Kanal reberiyeti paranı maqsattan tış qullanğanında ve büyük hırsızlıq yapqanında şeklenile.
Bu aqta Qırım yolbaşçısı Sergey Aksönov bildirdi.
«Bu öşek degil, «Milletten» vesiqalar alındı. Uquq qoruyıcı organları meseleni ögrene. Olarnıñ hırsızlıqta şeklenüvleri bar. Bugün uquq qoruyıcılar içün er angi devlet müessiselerine kirmek içün iç yasaqlar yoq», − dep ayttı Aksönov.
Onıñ sözlerine köre, şimdiki vaqıtta İçki işler nazirliginden ve prokuraturadan izaatlar beklenile.
«Men er vaqıt aytqan edim, kimse cinayet yapmağa niyetlengen olsa, ve reberniñ hırsızlıqnı toqtatmağa imkânı olsa, bu körüne. Şimdi İçki işler nazirliginiñ matbuat hızmetinden, prokuraturadan izaatlar bekleymiz», − dep bildire Aksönovnıñ sözlerini «KP-Krım».
«Millet» telekanalı Qırımda 2015 senesi sentâbr ayında yayınlamağa başladı. Kanalnıñ baş muarriri Seyran Mambetov ola, onıñ muavini − Susana Halilova, Mambetovnıñ apayı ise, Susanna Beytulla bediiy programmalarınıñ baş muarriri ola.
