Dekabr 29-da gece Aqmescit rayonındaki Vasiyet (Strogonovka) qasabasında yanğın yüz berdi. Lenura ve Nariman Asanovlarnıñ yaş qorantası eki balanen soqaqta qaldı.
Qırımtatar Qurultayınıñ Merkeziy saylav komissiyasınıñ reisi Zair Smedlâyevniñ bildirgenine köre, anası ve 11 yaşındaki büyük oğlu şimdiki vaqıtta 6-cı şeer hastahanesinde buluna.
Zair Smedlâyevniñ sözlerine binaen, yanğın, er şeyni, bu cümleden vesiqalar ve cep telefonlarını yoq etti.
«Dostlar, bu ağır vaqıtta belâğa oğrağan insanlarğa yardım eteyik!» – dep çağırdı o.
Yardım etmek içün din cemiyeti reisi Dilâver Dittanov (+7978 012 4478) ya da Ruslan Lümanov (+7978 822 4152) ile bağlanmaq mümkün.
