2016 senesi ğayıpları

04.01.201718:43

2016 senesi belli qırımtatar cemaat erbapları, yazıcıları, alimleri, siyasetçileri ve yahşı adamlarnen vedalaştıq. Olarnıñ ayat qaideleri bizim içün qıymetli tecribe olacaqtır.

Yanvar 12-de, 82 yaşında olıp, belli qırımtatar yazıcısı, mühbir ve terciman Zakir Qurtnezir vefat etti.

zakir-kurtnezir

Fevral 12-de Aqmescitte, devamlı ağır hastalıqtan soñ, cenk veteranları, cenk ve emek saqatları qırımtatarlarnıñ Cumhuriyet cemaat teşkilâtınıñ reisi 85 yaşındaki Nariman Kazenbaş vefat etti.

12_02_2016_kazenbash

Mart 9-da Bangladeş yalısında yüz bergen uçaq qazasında belli uçucı Murad Gafarov elâk oldı.

murad-gafarv-1024x768

Mart 16-da belli qırımtatar yazıcısı Cengiz Dağcınıñ doğmuş qız qardaşı Ayşe Dağcı vefat etti.

17_03_2016_ayshe

Mayıs 14-te, 61 yaşında olıp, qırımtatar milliy areketiniñ faali Enver Abduveliyev vefat etti. O, Moskvadaki Qırmızı meydanda keçirilgen qırımtatarlarnıñ narazılıq aktsiyasınıñ iştirakçisi edi. Enver Abduveliyev eki kere qırımtatar halqınıñ Qurultayı delegatı vazifesine saylanğan edi.

abduveliev

İyül 16-da, 83 yaşında olıp, Türkiyede qırımtatar tamırları olğan itibarlı siyasetçi Nevzat Yalçıntaş bu dünyanı terk etti. O, şimdiki vaqıtta devlette üküm sürgen Adalet ve inkişaf partiyasınıñ tesisçilerinden biri, bunen beraber İstanbul universiteti professorı edi.

16-07-2016-yalchintash

İyül 27-de Aqmescitte, 65 yaşında olıp, Qırım müendislik ve pedagogika universitetiniñ ruhiyat ve pedagogika fakultetiniñ ocası, mektepten aldın ve kiçik mektep yaşındaki balalarnı terbiyelev ve ögretüv boyunca bir sıra dersliklerniñ müellifi Sultaniye Harahadı vefat etti.

sultanie-harahady

Ankarada, 100 yaşında olıp, qırımtatar tamırları olğan osmanlı tarihçı Halil İnalcik vefat etti.

halil

Noyabr 26-da Aqmescitte qırımtatar yazıcısı, şair, Qırımtatar yazıcıları birliginiñ reisi 87 yaşındaki Riza Fazıl vefat etti.

riza-fazyl

Фото аватара

Автор: Редакция Avdet

Редакция AVDET