Bayram künleri, ükümet ve kommunal hızmetler raatlanğanda, Aqmescitte tertipsizlik üküm süre.
Çöplükke, satılmağan naratlarnıñ parçalarına tolu meydançıqlarnı köstergen fotoresimlerni içtimaiy ağlar qullanıcıları paylaşa.
«Kosmos» kinoteatrı rayonında şeer sakinleri narat bazarı qalımtıları arasında keçmek mecbur.
«Ayvanlar. Satqan yerde naratlarnı atıp qaldırdı. Dekabr 31-de adamlarğa 50 kümüşten satsa ediler, olmaz edimi?!», – dep narazılıq bildire Aqmescit sakinleri.
Bundan da ğayrı, bayram künleri kommunal hızmetler çöplükni alıp ketmey.
«Kommunal hızmetlerniñ hadimleri, yeter raatlanmağa, işke çıqmaq vaqtı keldi!», – dep ükümetke muracaat ete şeer sakinleri.
Foto: Leonid Karpov, Leonid Boldırev, Valeriya Sorokina
