Tünevin aqşam Aqmescit sakinleri Qırım paytahtı merkezinde, büyük tamir işleri alıp barılğan yerde, skemlelerniñ biri yanında qaldırım taşçıqlarından ateş ve qara tuman çıqqanını videoğa çıqardı.
İlk malümatqa köre, yañı yerastı yüksek voltlı elektrik kabeli bozuldı, sılaq qaldırım kerginlik astında buluna bile.
Avdetniñ evel bildirgenine köre, Aqmescit merkezinde işçiler qaldırım taşçıqlarını ava arareti -10 dereceni teşkil etkende qoya edi. İşler, qarantlıq tüşken soñ da devam etken edi.
Bundan da ğayrı, Qırım blogeri Aleksandr Gorniy «Eho Moskvı» saytında «Diversantlar Aqmescit merkezine sürip kirdi» serlevalı fotoreportajnı paylaşıp, Aqmescit merkezindeki tamirni diversiya dep adlandırdı.
Foto: Avdet, yanvar 2017 s.