Qırım Cumhuriyeti boyunca Rusiye Taqiqat komiteti Bağçasaray sakini bazar künü özüni yaqqanınen bağlı vaqia boyunca teşkerüv keçire.
Bu aqta müessiseniñ matbuat hızmeti bildirdi.
«Yanvar 8-de kündüz 50 yaşındaki Bağçasaray sakini, apayınen qavğalaşqan soñ, soy-sopları yanında üstüne ketirgen yaqarlıqnı tökti ve özüni yaqtı. Kösterilgen yardımğa baqmadan, aqay kişi yanıqlardan vefat etti», – dep aytıla beyanatta.
Matbuat hızmetinde qayd ettiler ki, Rusiye Federatsiyası Taqiqat komitetiniñ Qırım boyunca Baş taqiqat idaresiniñ Bağçasaray rayonı boyunca taqiqat komiteti teşkerüv keçire, bunıñ neticelerine köre qarar alınacaq.
Bundan evel Qırım ükümetiniñ Milletlerara munasebetler ve sürgün etilgen vatandaşlarnıñ meseleleri boyunca Devlet komitetiniñ yolbaşçısı Zaur Smirnov bildirdi ki, aqay kişi qırımtatar edi. Memur, «qoranta belâsından spekulâtsiya yapmamağa ve Halilovlar qorantasında yüz bergen faciağa insancasına davranmağa» çağırdı.
Sentâbr 2-de, Yaltada, Primorskiy plâj rayonında yerli pensioner Aleksandr Strekalin özüne benzin tökip, özüni yaqtı.
