Aqmescit merkez bazarında ticaret pavilyonlarınıñ yoq etilüvi devam ete

10.01.201715:51

Aqmescitte (Simferopol) Merkez bazarına kiriş yanında yerleşken ticaret pavilyonlarınıñ yoq etilüvi devam ete.

Saipler öz ticariy «noqtalarını», göñülli olaraq, Qırım paytahtı memuriyeti ile añlaşma boyunca qayd etilgen qaide bozuvlarınıñ tüzetilmesi çerçivesinde yoq ete.

Şeer memuriyetinde haber ettiler ki, yerli ükümetnen işbirlik tutqan iş adamları bir sıra yatırım leyhalarınıñ ömürge keçirilmesinde iştirak etmek aqqını ala.

Bundan da ğayrı, Aqmescit memuriyetiniñ qararına binaen, mecburiy şekilde Kozlova soqağı, 11b adresi boyunca yerleşken 20 ğayrı kapital bina yoq etilecek.

Avdetniñ evel bildirgenine köre, Merkez bazarında qanunsız çalışqan ticariy obyektlerniñ yoq etilüvi noyabr 8-de başlandı. Şeer akimiyeti ticaret pavilyonları bulunğan yerde çimen yapacaq ola.

tsentralnyj-rynok

tsentralnyj-rynok1

Фото аватара

Автор: Редакция Avdet

Редакция AVDET