Qırımtatarlar evi yanğan vatandaşlarına meskün vagonını satın almağa yardım etti

11.01.201715:35

Eki kiçik balanen evsiz qalğan Nariman ve Lenura Asanovlar vatandaşlar cıyğan parağa vaqtınca yaşamaq içün vagon satın alıp oldı.

Yañı yıl arfesinde Aqmescit civarındaki Vasiyet (Strogonovka) qasabasında Asanovlarnıñ evi yandı. Yanğın er şeyni, bu cümleden, vesiqalarnı yoq etti.

Qırım ükümeti qorantağa yañı ev quruvına qurucılıq malzemelerini satın alacağı aqqında söz berdi. Balalarğa şifahanege putövkalar berildi.

Asanovlar, olarnı belâda qaldırmağan vatandaşlarğa teşekkür bildire.

Avdetniñ evel bildirgenine köre, Lenura ve Nariman Asanovlarnıñ evinde dekabr 29-da gece yanğın yüz berdi. Anası ve 11 yaşındaki büyük oğlu 6-cı şeer hastahanesine tüşti.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET