Qırımda paytaht kommunal hızmetiniñ yolbaşçısı vazifesinden boşatıldı

14.01.201715:45

Aqmescitteki «Ekograd» belediye işhanesiniñ müdiri Aleksandr Matveyçuk yanvar 13-te işten boşatıldı, Qırım paytahtı memuriyeti yolbaşçısınıñ eki muavini ise, ava vaziyeti kerginleşkende şeer soqaqları yaramay temizlengeni içün tenbilendi.

Bu aqta Qırım mesken-kommunal hocalığı naziri Sergey Karpov bildirdi.

«Yanvar 13-ke keçer gecesi üç temizlev maşnası çıqtı, bu pek azdır. Saba soqaqlarğa beş maşna çıqarmağa mecbur ettik. Üylege yaqın işni ömürge keçirgen şirket daa 15 maşna çıqardı. Aqşam 21 maşna Aqmescitnen oğraşa edi», – dep bildire «Krıminform» nazirniñ sözlerini.

Aynı vaziyet yanvar ayınıñ başında da oldı, Aqmescit çöplükke bata edi.

Фото аватара

Автор: Редакция Avdet

Редакция AVDET