Aqyarda (Sevastopol) altı mektep talebesi zeerlenip yuqunç (infektsiya) hastahanesine tüşti.
Bu aqta tasil bölügi müdiriniñ birinci muavini Svetlana Kirilenko bildirdi.
«Yanvar 12-de saat 17:00-den 24:00-ke qadar 49 sanlı umumtasil mektepniñ talebesi infektsiya hastahanesine keskin içekler kemligi diagnozı ile tüşti. Şimdiki vaqıtta olarnıñ alı qanaatlendiricidir», – dep ayttı o.
İlk malümatlarğa binaen, mektep talebeleri özünen alıp ketirgen süt qarışmalarından zeerlengendir. Bu kün aşhanede 1-4-ci sınıf 398 talebesi aşağan edi.
Laboratoriya araştırmaları yanvar 17-de belli olacaq.
