Yanvar 16-da Aqmescitte qırımtatar faali, cemaatçısı Ahtem Çiygoznıñ işi boyunca mahkeme toplaşuvları devam etip başlanacaq.
Bu aqta Qırımtatar Qurultayı Merkeziy saylav komissiyasınıñ reisi Zair Smedlâyev Facebook saifesinde bildirdi.
«Yarın, yanvar 16-da saat 9.30-da 2014 senesi fevral 26-da Qırım Yuqarı Radası yanında kütleviy nizamsızlıq teşkil etkeninen qabaatlanğan Ahtem Çiygoznıñ işi boyunca mahkeme toplaşuvı devam etecek», – dep yazdı Smedlâyev.
Ahtem Çiygoz Aqmescit SİZO-sında 2015 senesi yanvar ayından başlap buluna, o, Rusiye Federatsiyası Cinaiy kodeksiniñ 212 maddesi 1-ci qısmı («kütleviy nizamsızlıqnı teşkil etüv») boyunca qabaatlana, madde boyunca qabaatlanğan kişi 10 yılğa qadar apiske qapatıla bile.
