Aqmescitte (Simferopol) şeerge yük maşnalarınıñ keçmesini sıñırlamağa planlaştıralar.
Şeerge yük naqliyesiniñ kirişi sıñırlanuvı, bunen beraber, maşnalarnı tahliye etüv, şeerdeki naqliye areketi vaziyetini eyileştirecektir, dep bildirile memuriyet saytında.
Bundan da ğayrı, Aqmescit merkezine naqliyeniñ keçmesi tolusınen qapatılması meselesi ögrenile.
Aqmescitte avtomobil tıqanıqlıqlarını yoq etmek içün, mecburiy tahliye hızmeti çalışıp başladı, bunen beraber, maşna park etüv yerlerinde fiyatlar deñiştirildi – merkezge ne qadar yaqınca olsa, o qadar tarif paalıcadır.
Avdetniñ evel bildirgenine köre, Aqmescit akimiyeti marşrut avtobuslarınıñ sayısını azlaştırdı. 69 marşruttan 48 qaldırıldı.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
