Qırımda yol çuqurlarını köstergen interaktiv harita yapıldı. Haritada yollarnıñ bozulğan, çuqurlı qısımları ve tamir işleri yapılğan qısımları kösterile.
Qırım Cumhuriyeti avtomobil yolları hızmetiniñ malümatına binaen, harita, müessiseniñ telefon nomerine kelgen vatandaşlarnıñ muracaatları araştırmalarına, bunen beraber, müessise mütehassısları tarafından yapılğan regional ve şeerlerara yollarnıñ baqılmasına esaslanıp, teşkil etile.
Yol çuqurları interaktiv haritasınen Qırım avtomobil yolları hızmetiniñ saytındaki «Faaliyet» rubrikasında tanış olmaq mümkün.
Hatırlatamız ki, «Qırım avtomobil yolları hızmeti» hadimleri yarımada sakinlerini yollarda rastkelgen çuqurlar aqqında +7 (978) 707-14-75 telefon nomeri vastasınen er kün saat 9:00-dan 18:00-ge qadar bildirmege çağıra. Bunen beraber, Qırım avtomobil yolları hızmetiniñ saytındaki «Cemaat qabulhanesi» bölüginde de beyanat yazmaq mümkün.
Avdetniñ haberlerine içtimaiy ağlarda abune oluñız: Вконтакте | Facebook | Одноклассники | Telegram.
