Zubkov İstanbulda «mega-Taygan» bağçasını quracaq ola

25.01.201717:40199
тайган1

Qırımdaki «Taygan» arslan bağçasınıñ saibi Oleg Zubkov İstanbul civarında dünyada eñ yahşı ayvanat bağçalarından birini açacaqtır.

Zubkovnıñ öz blogında haber etkenine köre, İstanbul belediye yolbaşçılarınen yañı ayvanat bağçasınıñ qurulması aqqında muzakereler muvafaqiyetli oldı. Kelecekte qurulacaq «mega-Taygan» içün Qara deñiz yalısında yer saylandı.

Oleg Zubkovnıñ sözlerine binaen, leyha ve qurucılıq Türkiye devlet büceti parası vastasınen yapılacaq. Qurucılıq yekünlengen soñ, ayvanat bağçasınıñ bütün territoriyası «Taygan-Croup» şirketine uzun müddetke idare etüv içün teslim etilecek.

Avdetniñ evel bildirgenine köre, «Qırım baarine» qol tutqan Oleg Zubkov yerli ükümet ile bağlı davalı vaziyetlerge bir qaç sefer tüşken edi.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Редакция AVDET

Author: Редакция AVDET

Avdet gazetası