Emil Kurbedinovğa ekstremiznen bağlı qabaatlav taqdim etilecektir

26.01.201714:00

Adliyeci Emil Kurbedinovnı ekstremizmnen qabaatlaylar ve oña qabaatlav taqdim etecek olalar. Şimdiki vaqıtta o Ekstremizmge qarşılıq merkezinde buluna ve öz adliyecisini bekley.

Avdetniñ evel bildirgenine köre, Qırım adliyecileri Emil Kurbedinov ve Edem Semedlâyevniñ ofislerinde tintüv keçirile.

Bundan da ğayrı, tintüv Kurbedinovnıñ evinde de keçirildi. Uquqçınıñ anası tintüv vaqtında yaramay oldı ve oña acele yardım çağırıldı.

Mühbir Anton Naumlükniñ malümatına binaen, Kurbedinov talap ete ki, onıñ imayecisi Edem Semedlâyev olsun, o ise şimdiki vaqıtta tintüv keçirilgen ofiste buluna.

Avdetniñ bildirgenine köre, bugün saba tintüv Bağçasarayda Seyran Saliyevniñ evinde keçirildi. Emil Kurbedinovnı, onıñ Bağçasarayğa ketkende, Yol patrul hızmeti hadimleri tuttı.

Tünevin FSB hadimleri adliyeci Nikolay Polozovnı mecburiy sorğuğa alıp ketti.

Foto: Anton Naumlük

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

эмиль курбединов1

эмиль курбединов

Фото аватара

Автор: Редакция Avdet

Редакция AVDET