Qırımtatar faalleriniñ adliyecileri ofislerinde tintüv keçirile

26.01.201710:11

Qırım adliyecileri Emil Kurbedinov ve Edem Semedlâyevniñ ofislerinde tintüv keçirile.

Bu aqta Qırımtatar Qurultayı Merkeziy saylav komissiyasınıñ reisi Zair Smedlâyev bildirdi.

Bunen beraber, Emil Kurbedinov videonı paylaştı, o yerde körüne ki, Qırım Federal havfsızlıq hızmeti (FSB) hadimleri adliyeci zenaatdaşı Edem Semedlâyev ile beraber ketken maşnağa yaqınlaşa. Adliyeciler Seyran Saliyevniñ evine kete edi. Bugün, yanvar 26-da saba Seyran Saliyevniñ evinde tintüv keçirildi.

Tünevin Rusiye FSB hadimleri qırımtatar faalleri Ahtem Çiygoz ve İlmi Umerovnıñ adliyecisi Nikolay Polozovnı Aqmescitte tuttı ve onı qanunsız sorğuğa alıp ketti. Adliyeci uquq qoruyıcılarnıñ böyle areketlerini qaçıruv olğanını saydı.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET