Yanvar 29-da saba Aqmescit-Bağçasaray yolunda qaza yüz berdi. Geely avtomobiliniñ aydayıcısı tayğalaq yolda maşnanı idare etip olamadı. Maşna, yoldan çıqıp, avdarıldı.
Vaqia şaatı Riza Veliniñ Avdetke bildirgenine köre, avtomobil dümeni başında tahminen 55 yaşındaki qadın edi. O, yaş qorantanı – apay-aqay ve balasını ava limanına alıp kete edi. Yahşı ki, qaza neticesinde kimse zararlanmadı ve tibbiy yardımğa muhtac olmadı. Qazadan soñ, yanında keçken Riza Veli qorantanı ava limanına alıp ketti, avtomobil saibi ise, vaqia yüz bergen yerde qaldı.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
