Yanvar 29-da Aqmescit suv anbarında içinde 5 adam olğan VAZ maşnası buz altına ketti.
Bu aqta «Krım-Spas» taqımınıñ matbuat hızmeti bildire.
Vaqia yüz bergen yerge qurtarıcılar, politsiya hadimleri ve ekimler keldi.
VAZ-21099 yalıdan bir yarım-eki metr uzaqlığında suvğa battı. Yolcular yalığa öz küçünen çıqtı.
Qurtarıcılar mahsus aletler vastasınen avtomobilni yolğa çıqardı, aydayıcı ve yolcular tibbiy yardımğa muhtac olmadı.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
