Moskva sakini Ukrainadaki «Memleket sesi-7» yarışında «1944» yırını özüncesine yırladı

30.01.201713:241.305
юлия митяшова_1944

26 yaşındaki Moskva sakini Yuliya Mitâşova «1+1» telekanalında Ukrainanıñ baş şou «Memleket sesi-7» yarışı kör diñleviniñ ekinci yayınında «1944» yırını özüncesine yırladı.

Hatırlatamız ki, Ukraina halq artisti Jamala «1944» yırınen «Eurovision-2016» halqara yarışında ğalebe qazandı.

Yuliya Mitâşovağa Sergey Babkin ve Tina Karol aylandı.

Jamalanıñ aytqanına köre, iştirakçiniñ yırlağanı oña pek tesir etti.

«Men şaşıp qaldım, çünki böyle yırlağanıñızğa nasıl davranmağa bilmedim. Bu pek güzel oldı», – dep izaat berdi Jamala.

Akemler ve seyirciler turıp alğışladı.

«1944» yırınıñ klipini bu bağlantı ile seyir etmek mümkün.

Avdetniñ bildirgenine köre, Qırım sakini Naile İbraimova «Memleket sesi-7» yarışınıñ kör saylavından keçti.

«1944» yırınıñ cover şekillerini Avdetniñ maqalesinde diñlemek mümkün.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Редакция AVDET

Author: Редакция AVDET

Avdet gazetası