Aqmescit (Simferopol) sakini şaşılacaq şeyniñ fotoresimini yaptı – şeer marşrutkalarınıñ birinde tabandaki teşikten asfalt körüne.
Laf №25 avtobusı (Agrotehnologik universiteti – Pnevmatika) aqqında kete.
«Ya siz havfsızlıq aqqında ne bilesiñiz? 25 sanlı marşrut», – dep yazdı içtimaiy ağlarda fotoresimni paylaşqan avtobus yolcusı.
Buña cevap olaraq, içtimaiy ağlarnıñ diger bir qullanıcısı daa bir meraqlı şey aqqında haber etti: 85 sanlı avtobus oturğıçı tübünden çamur şadırvanı fışqıra edi.
Yaqında ise, Aqmescit sakinleri bildirgen edi ki, yağmur yağğanda yolcular marşrutka içinde açlıq şemsiyelernen ketmek mecbur edi. Belli oldı ki, №4, №81 ve №108 avtobuslarınıñ damı aqa.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
