Yanvar 31-de Qırım bu qışnıñ eñ suvuq kün ve gecesini yaşap keçirdi.
Bu aqta regional gidrometeorologiya merkezi müdiri Tatyana Lübetskaya bildirdi.
O hatırlattı ki, yarımadada böyle ava vaziyeti Qırımğa suvuq arktik avası kelgeninen bağlıdır.
«Bugün (yanvar 31-de – Avdet) Qırımda eñ suvuq gece oldı. Qırımnıñ şimaliy rayonlarında ava arareti sıfırdan aşağı 16 derecege qadar tüşti, Aqmescitte -13 oldı, Qırımnıñ cenübiy yalısında eñ suvuq Nikita bağçasında oldı: -8 derece», – dep ayttı Lübetskaya.
Bunen beraber ekspert bildirdi ki, bu afta soñu Qırımda ava isinecek ve yağmur yağacaqtır. Kelecek aftanıñ başında kene suvuq olacaqtır, dep bildire RİA Novosti.
«Kelecek aftanıñ başında ava arareti -1..-6, kündüz 0..+3 dereceni teşkil etecektir. Bazı vaqıtları qar yağması beklenile», – dep ayttı Lübetskaya.
