Qırım sakinlerini yarıqnı iqtisat etmege çağırdılar

03.02.20179:35

Qırım sakinlerini aqşam ve saba büyük ihtiyac olmağanda elektrik aletlerni qullanmamağa çağırdılar.

Yarımada sakinlerine böyle muracaatta «Krımenergo» müessisesiniñ baş müdiri Viktor Plakida «Krım 24» yayınında bulundı.

Onıñ sözlerine köre, yarımadanıñ er 200-ci sakini 100 Vt lampoçkanı söndürse, bu, 1 MVt teşkil etecek.

Bunen beraber Plakida qayd etti ki, elektrik energiyası eñ faal şekilde saat 17:00-den 21:00-ge qadar qullanıla. Bundan evel Qırım yolbaşçısı Sergey Aksönov Qırımda 100 mVt elektrik energiyasınıñ qıtlığı aqqında ilân etken edi.

Avdetniñ evel bildirgenine köre, Qırımda suvuq ava kelgeninen kütleviy şekilde planlaştırılmağan yarıq söndürilmesi başlandı.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET