Bugün Bağçasarayda yanvar 26-da 12 künge yaqalanğan qırımtatar faali Seyran Saliyev azat etildi.
Belli ki, Saliyev planlaştırılğan vaqıttan bir saat evel yiberildi. Faal, Bağçasaray vaqtınca bulunuv izolâtorında bulunğanınen bağlı tafsilâtlı malümatlarnen paylaştı.
«Şarait qanaatlendiricidir, üç kere aş berile, iç iddialarım yoq. Olar er şeyni vaqtında ketire edi. Vitaminler teslim etilgende de olarnı maña bergen ediler. Yuvunmaq kerek olsa edi, yuvuna edik», – dep añlattı Saliyev.
O, endi eki yıldan ziyade qorantalarını körmegen yaqalanğan qırımtatarlarnıñ ailelerine taziye bildirdi.
«Men o yerde 12 kün buluna edim, balalarım meni o qadar sağındı. Babalarını tahminen eki yıl devamında körmegen qorantalarğa ne qadar ağır olğanını tasavur etem», – dep bilidre «Qırım.Aqiqat» Saliyevniñ sözlerini.
Foto: Anton Naumlük
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
