Aqmescitte (Simferopol) «Yıldız» mecmuası muarrir eyyetiniñ toplaşuvı keçirildi, bu yerde mecmuanıñ elektron kitaphanesini teşkil etmege teklif etildi.
Tahminlerge köre, elektron şekilde «Yıldız» mecmuasınıñ 40 yıl devamında basılğan bütün sanları yerleştirilecektir.
Bunen beraber, toplaşuv devamında muarrir eyyeti 2017 senesi mecmuanıñ birinci sanınıñ mündericesini muzakere etti.
«Yıldız» mecmuasınıñ baş muarriri Dilâver Osmanovnıñ sözlerine köre, neşirniñ esas qısmı yaqında vefat etken qırımtatar maarifçisi, tilşınas, yazıcı ve şair Riza Fazılnıñ hatırasına bağışlanğan. Mecmuada Riza Fazılnıñ eserleri ve maqaleleri derc etilgen.
Dünyada yekâne qırımtatar içtimaiy-siyasiy edebiy-bediiy «Yıldız» mecmuası 2016 senesi noyabr ayında 40 yıllığını qayd etti.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
