Qırım parlamenti spikeriniñ muavini Remzi İlyasovnıñ reberliginde olğan «Qırım» cemaat teşkilâtı Birleşken Milletler Teşkilâtı (BMT) Baş assambleyasını ve Avropa parlamentini Qırım Cumhuriyetiniñ mustaqilligini ve Rusiyege qoşulğanını tanımağa çağırdı.
Bu aqta RİA Novosti bildire.
Qayd etilgenine köre, muracaat 2016 senesi dekabr ayında teşkilâtnıñ beşinci qurultayında Aqmescitte qabul etildi. Rusiyeli eyyet vesiqanı BMT-na teslim etti.
Teşkilât muracaatta «Rusiye, Qırım cumhuriyeti ve Aqyarğa nisbeten iqtisadiy, ticariy ve maliye qamaçavı siyasetini takbih etmege», bunen beraber, Rusiyege qarşı «siyasiy ve iqtisadiy sanktsiyalarnı» lâğu etmege çağırdı.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
