Ukraina Devlet sıñır hızmetiniñ Herson taqımınıñ sıñırcıları Qırım sakinini toqtattı, o, sıñırnı keçkende rusiyeli pasportnı taqdim etti.
Bu aqta müessiseniñ matbuat hızmeti bildire.
Aqay kişi «Kalançak» keçirüv noqtasında yaqalandı.
Devlet sıñır hızmetinde qayd etkenlerine köre, o cayav keldi ve kontrolğa 2014 senesi Qırımda berilgen rusiyeli pasportnı berdi. Aqay kişi qoşma teşkerüvge davet etildi.
Sıñırcılar belgiledi ki, aqay kişi evel Ukrainanıñ şeerlerinden birinde yaşay edi ve Qırımda kontrakt boyunca Ukraina Silâlı quvetler sail qaravulı arbiy bölüginde hızmet etken edi. Qırım Rusiye terkibine keçirilgen soñ, o, Rusiye Federatsiyası Arbiy deñiz quvetleri terkibinde hızmet etmege başladı.
2015 senesi aqay kişi silâlı quvetler hızmetinden istifağa çıqtı ve qurucılıq saasında çalışıp başladı. Devlet sıñır hızmetinde qayd ettiler ki, adam Ukrainada yaşağan qorantasına kete edi.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
