Bor Çoqraq ya da Yağmurça – Aqmescit civarındaki Fontanı qasabasınıñ kerçek adı ne?

10.02.201721:2692
село фонтаны_симферополь

Foto: Avdet, 2016 s., iyün 26.

Cenkten evel Aqmescit (Simferopol) civarında Bor Çoqraq ve Yağmurça köyleri bar edi.

1948 senesi Bor Çoqraq «Zavodskoye», Yağmurça ise «Fontanı» dep adlandırıldı. Bundan soñ Zavodskoye Aqmescit terkibine kirsetildi – şimdiki vaqıtta bu, uçaq alanı yanındaki qasabadır. Fontanı öyle de ayrı köy olıp, bugünki künge qadar saqlanıp qaldı. 1990 seneleri Qırımğa qaytqan qırımtatarlar 7-ci şeer hastahanesi ve Fontanı köyü arasında yañı qasaba qurdı. Ve bu qasabağa rusça Fontanı (aqiqiy Fontanı (1948 s. qadar Yağmurça) aynı bu yerde, qasaba yanında bulunğan köy olğanına baqmadan), qırımtatarca ise Bor Çoqraq (aqiqiy Bor Çoqraq, yani Zavodskoye, başqa bir yerde bulunğanına baqmadan) dep aytmağa başladılar ve bugünki künge qadar ep böyle aytalar

Fontanı qasabasına nisbeten Bor Çoqraq adını qullanmamağa, ya da oña Yañı Bor Çoqraq (Novıy Bor Çoqraq) dep aytmağa teklif etile.

Menba: Zemaneviy rus-qırımtatar sözlügi, müellifler V.A. Mireyev ve A.V. Gorâinov.

Фонтаны

Qırımtatar toponimiyasına bağışlanğan fleşmob. Fleşmob Qırımtatar bayrağı kününe bağışlanğan edi.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Редакция AVDET

Author: Редакция AVDET

Avdet gazetası