Qırım yalısı yanında unikal bir yunus balığı köründi

10.02.201719:55

Sudaq ve Novıy Svet rayonınıñ deñiz yalısında Qırım sakinleri sıq-sıq beyaz yunus balığını köre.

Mütehassıslarnıñ sözlerine köre, bu yunus balığı – beyaz afalinadır, o, endi altı yıldan ziyade Qırım sakinleri ve musafirlerini quvandıra.

«Beyaz afalina pek faal ola, menim közetüvlerime köre, o, öz gruppasınıñ yunus balıqlarına yolbaşçılıq ete. Söz arası, hususan bu deñiz suv alanında ara-sıra beyaz benekli yunus balıqlarını köremiz, bu, nasıldır genetik deñişmelerdir», – dep añlattı Qırım Federal universitetiniñ ayvaniyat (zoologiya) kafedrasınıñ aspirantı Yelena Gladilina.

Bunen beraber, mütehassıslar bu yunus balığınıñ albinos olğanını red ete.

«Er alda, bu, albinos degildir, beyaz renkli yunus balığıdır. Albinoslar biraz zayıfça olğan ayvanlardır, olar iç bir vaqıt yetekçi olmay», – dep ayttı Gladilina, bildire «Şimdi Qırımda».

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET