2017 senesi yanvar ayında Qırım Cumhuriyetinde istimalcı mahsulat ve hızmetler tesbit etilgen taqımınıñ orta fiyatı bir adam içün 13 388,90 rubleni teşkil etti.
Bu aqta Qırım Devlet statistikası hızmetiniñ matbuat hızmeti bildire.
Müessiseniñ malümatına binaen, bir ay içinde işbu köstergiç 2,1%-ğa arttı (2016 senesi dekabr ayında tesbit etilgen taqımnıñ fiyatı 12 990,18 ruble edi).
Bunen beraber, bir insan içün istimalcı sepetine kirgen aşayt mahsulatı minimal taqımınıñ fiyatı Qırımda yanvar soñunda 3 756,01 rubleni teşkil etti.
«Keçken ayğa köre, fiyat 115,11 rublege tüşti (-3,0%) – 3871,12 rubleden 3756,01-ge qadar», – dep bildirdi Qırım Cumhuriyeti sanayı siyaseti naziriniñ muavini Yan Latışev.
Onıñ sözlerine köre, şeker (-2,9%), balıq mahsulatı (-1,3%), yımırta (-1,2%), sucuq mahsulatı (-0,4%) fiyatları eksildi.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
