Fevral 5-te Livadiyada, Alupka yolunda VAZ-2110 maşnası yandı, onıñ devlet nomeri Т477ЕК, region 123.
Ateş maşnanı bütünley yoq etti.
«Yug-Yalta» bildirgen malümatqa köre, Fevqulade vaziyetler nazirliginiñ Yalta boyunca nezaret faaliyeti bölügi yanğan avtomobilniñ saibini qıdıra.
Maşna saibi aqqında malümat olğan er kes Fevqulade vaziyetler nazirliginiñ Yalta boyunca nezaret faaliyeti bölügine haber etmege çağırıla.
Telefon nomerleri: (3654) 34-70-33, +7 (978) 705-28-76.
Avdetniñ bildirgenine köre, 2016 senesi iyül 23-te avtomobillerni yaqqanınen şeklenilgen Müyeddin Alivapov çıqmama aqqında imza qoyıp yaqalavdan azat etildi.
Alupka sakini Müyeddin Alivapov yanvar 23-ten apiste buluna edi. O, Qırımnıñ Cenübiy yalısında avtomobillerni yaqqanınen qabaatlana edi. Lâkin, onıñ yaqalanğanından soñ da avtomobiller yaqmaları devam etti.
2017 senesi yanvar ayında Aluşta şeer mahkemesi keçken sene fevral-mart aylarında avtomobbilerni yaqqan Çelâbinsk sakinine qarşı qarar çıqarıp, onı bir yarım yılğa apiske qapattı. Bir afta devamında 23 maşna yaqıldı.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
