Qarasuvbazar (Belogorsk) rayonındaki Sartana (Alekseyevka) köyü yanında Afrika vebası (çuma) domuz hastalığı belgilengen ayvanlarnıñ kömülgen cesetleri tapıldı.
Bu aqta Rusiye köy hocalığı nezareti Qırım idaresiniñ matbuat hızmeti bildirdi.
Fevral 10-11 künleri domuzlar ölümi şahsiy hocalıqta ve Sartana köyüniñ özünde qayd etildi. Bundan da ğayrı, Qarasuvbazar rayonınıñ kiyik ayvanatta eki kiyik erkek domuznıñ cesedi tapıldı.
Bundan evel «Ayvan sağlığı saqlavı federal merkezi» müessisesiniñ müdiri Dmitriy Lozovoy bildirdi ki, Afrika vebası hastalığı Qırım yarımadasında eali veterinar hızmetlerine hocalıqta olğan ayvanlarnıñ kerçek sayısını bildirmegeni sebebinden tarqatıla.
Avdetniñ bildirgenine köre, Rusiye Federatsiyası köy hocalığı nezaretiniñ yolbaşçısı veterinar hızmetiniñ yaramay çalışqanı içün Qırım baş veterinar ekimi Valeriy İvanovnı işten boşatuv aqqında ariza yolladı. Onıñ fikrince, acele tedbirler ömürge keçirilmese, Qırımda AVH iç yoq etilmez.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
